【维港会】语言障碍小六儿子无同学肯邀写毕业册 港妈：个心好唔舒服

每个人的性格都是独一无二，然而并非人人都懂得接纳包容。有网民透露，其就读小学六年级、患有语言障碍的的儿子，受到同学排挤，无人愿意找他写毕业纪念册，令这位妈妈心里十分难过。

有家长在网上讨论区「亲子王国」发文，指长子今年小学六年班，「佢啱啱同我讲同学开始互相写纪念册，但系无一个同学畀佢写，佢话我不嬲被忽视果个架啦，」

港妈又问有无其他同学都无人邀请写纪念册，「佢好敷衍答咗一句有，再问佢，你有无唔开心，佢又话无」，港妈于是建议「我哋听日不如去买一本，你都拎畀同学写呀，佢死都唔肯，话唔洗唔要」。

港妈透露，儿子本身有言语障碍及理解能力比较迟钝，性格内向、沉默寡言，因为表达能力不太好，由幼稚园至今都有社工、治疗师跟进。她直言「个心好唔舒服」，于是请教网民我应该如何安慰儿子。

港妈坦言，「我一直都有帮佢去同啲同学相处主动啲，未有疫情时，我会买一包零食叫佢带返去，小息请啲同学食，最后次次都带返嚟。学校运动会，有啲家长无出席，我年年都会出席，我会买嘢饮小食请几个同学仔呀，希望可以帮大仔建立一个好既关系，当然我无讲，请你地就要同我仔fd，我无讲呢啲说话，我话你哋最紧要开心一齐玩一齐食下野。比佢哋感受下」

有家长提议，「请老师写畀佢」、「可否麻烦老师叫各位同学珍惜一下同学呢」。

但有人担心「先了解儿子想法，惊动到老师很可能孩子不太愿意，小六绝对需要自行解决问题，妈妈可以引导他主动，还是解决不到，最后才找老师。找老师给他写也不是解决方法，因为孩子并不是想要写，而是想有同学记得他，即使你找老师帮助令同学给他写，根本也不是孩子真正所想要的！」网民建议，引导一下他做主动，「就当是小学生涯最后学和尝试的一课！希望他能学会主动，可与他一起订立派给哪些同学，但你要预有些同学可能不愿意写，但总会有10个8个，再少的也会有2个3个愿意的，只要愿意主动，不怕被拒绝，总会有收获」

有家长都是过来人，称「我小朋友都唔太主动，沟通一般。我觉得交朋友呢啲嘢好难迫。平日我都多鼓励佢同学玩。咁佢觉得啱倾自然会揾，可能唔多，但朋友嘅嘢贵精不贵多。我觉得最紧要家庭畀到佢爱同关怀，家人先系一世。朋友嘅嘢，真系唔得都无办法」、「你大仔直情同我细仔情况一样。佢成日话自己系被边缘。问佢有无唔开心又话无，佢小学六年老师对佢评语都系好静好乖。我叫佢主动识下人，佢又好似唔想，小息锺意坐埋一边睇其他人，但呢啲嘢迫唔到...因为我读书时都系内向，所以我明白佢。佢而家升中一好彩都识咗一个同学，起码分组有伴。

帖文转载自《听完大仔讲完，个心好唔舒服》