入行首个生日获粉丝送惊喜 《造星III》陈泽言落茶饮店打卡嗌感动
2021-03-16 12:45 
ViuTV节目《全民造星III》上年掀起全城热话，十强选手、外号「神经刀」嘅CY（陈泽言）凭酷似陈奕迅嘅声线成功跑出。今日（16日）系佢入行后第一个生日，经理人同一班fans原本预备为佢搞粉丝见面会，惜疫情关系，活动最终未能举行。
不过fans们仍好有心，为同佢庆祝呢个咁有意义嘅日子，自发搞咗唔同嘅生日应援活动。除咗制作了CY嘅表演精华片段放上IG落广告外，佢哋仲整咗唔同嘅应援物品，包括印上CY头像及「Happy Birthday」字句嘅杯套、书签、postcard、贴纸及小卡等，并放喺铜锣湾同旺角两间台式饮品店供大家索取，一班fans仲用心喺店内布置打卡位，寿星仔CY亦专诚刊落去茶饮店打卡，更大嗌好感动。今日凌晨CY就喺IG贴岀蛋糕庆生照，踏入25岁的他留言：「又大一岁，但今年很特别，系我正式入行后第一个生日。虽然未能同一班支持我嘅你地（哋）一齐庆祝，但你地（哋）每位嘅祝福，我收到晒。」他又转发Fans应援嘅相，并附上心心表情符号多谢大家。
虽然CY出道只系好短时间，但已经迅速吸纳咗一大班粉丝，果然系「人气王」。上个月开咗个人YouTube Channel嘅佢，为答谢Fans嘅支持，也特意准备了一首Cover送给大家，还留言催小编快啲赶工派福利，他预告：「Channel小编赶工中⋯⋯晏D（啲）⋯⋯又或者明天（17日）上架。」其实决赛完咗之后，CY都一直默默耕耘，除咗拍节目《囝囝女女730》同广告，亦制作咗第三首派台Cover，嚟紧仲会参加慈善活动，佢仲预告今晚10点会同大家开live庆祝生日。
最新回应