【独家】不甘俾Edan夺荧幕初吻 Anson Lo恨咀靓女宁冇金奖
2021-03-12 21:00 
Anson Lo（卢瀚霆）@MIRROR去年在港台颁奖礼得新人金奖，接着推出新歌《EGO》，阿Lo坦承有压力，怕配不起奖项。而早前跟队友Edan（吕爵安）为港版《大叔的爱》拍咀嘴戏，他直言不甘心俾Edan夺去荧幕初吻，因一直幻想对手是靓女，仲话宁愿拣同靓女咀嘴紧要过攞新人金奖，更度好下次MV要「自肥」咀靓女。撰文：杜淑霞 摄影：梁志明 发型：Denny Ku@Chic Private I Salon 化妆：Rainbow Kwan&Tifa [email protected] Makeup Centre
阿Lo夺新人金奖等奖项后，惊喜之馀亦有压力，「个压力系我会即刻谂返我上年做嘅每个MV，所有唱live表演，究竟我配唔配得起我身上面嗰个奖。」不过对于制作新歌《EGO》又是另一种压力，「第一次以唔系新人身份去推出solo，呢个压力先至系最大，大家唔会再体谅你，唱功方便畀多啲时间你啦！」
提到在港版《大叔的爱》首次谈情兼有咀戏，他事前极紧张，幸好拍摄顺利，「拍咗嗰场最激，我哋总共咀咗廿次，因要拍太多唔同角度，有系锡完反应，导演话唔使再锡，但系带到之后情绪，我哋锡埋，所以真系为艺术牺牲！」边个较尴尬？他大呻：「梗系我啦！益咗佢嘛！哈哈！」换女对手会更容易？他说：「对我嚟讲都难，因为未试过嘛！但我不嬲谂住荧幕初吻系好浪漫！对象好靓女啦！哈哈！但竟然系咁样，咁就一世啦！荧幕初吻永远得一次，𠵱家就冇咗啦！」同靓女荧幕初吻咁紧要，如果同新人金奖二拣一呢？他好肯定话：「荧幕初吻系靓女！哈哈！攞到金奖梗系好开心，一定啦！但系初吻紧要啲！」不过他未有幻想谁是女主角，但剧情早已度好，「幻想过喺屋企，拍拖后第一次为佢煮餐饭，跟住我就锡咗佢一啖。」提议他下次MV拍，减少同Edan咀嘴阴影面积，他笑言：「你咁了解我嘅，下次MV应该有个好好满足自己嘅剧情。」
最新回应