盼演艺家族齐亮相 林晓峰暂时唔请曾志伟跨台演出

林晓峰（阿 Lo）与家姐林珊珊大女西瓜（李澄）为电视台拍摄系列式宣传片，虽然两舅甥合作机会不多，但就算一镜到底也难不到他们。西瓜说：「阿Lo拍过呢个宣传系列，所以驾轻就熟，而且同佢又合作过，我哋喺屋企时，佢亦试过带住我哋一齐练习拍嘢，不过次次都俾妈咪打断泼我冷水。但系今日都有少少压力，因为要一镜直落，要排练走位，好彩同阿Lo好有默契，所以呢个镜头一日之内拍晒，成条片都系拍咗4日半。」
阿Lo指已是第二次跟西瓜合作，之前去过杜拜拍旅游特辑。他说：「呢个系列嘅电视宣传片，由第一辑我已经开始拍，今次第二辑就搵埋西瓜一齐，但系负责画外音嗰位高人（林海峰）就仍然系见声唔见人。」西瓜立即插嘴说：「咁第三辑一定要搵埋妈咪（林珊珊），佢应该恨咗好耐，我都好期待喺镜头前面话返佢『争住睇电视』、『唔畀我煲剧』。」
阿Lo和应説：「咁重有我舅父啦（狄龙）表弟啦（谭俊彦）我大佬 （林海峰）都可以邀请佢哋一齐出现喺呢个屋企，咁就好啦。不过我就暂时唔会邀请曾志伟先生嚟加入拍摄，等佢喺嗰边做耐啲先啦，听讲话新签约嘅歌手可以自由亮相其他电视台，咁希望未来演员、工作人员都得啦，成个香港演艺圈大融和就好啦。」