沉迷运动近年爱上行山 47岁卢淑仪又Fit又白唔识老

同李克勤结婚15年，92年港姐冠军卢淑仪好锺意做运动，羽毛球、高尔夫球、跑步、瑜伽乜都啱，近年仲爱上行山，港九新界山头都行匀咁滞，难怪47岁仍然Fit到不得了。

寻日佢又约埋老友去行西贡嘅钓鱼翁，行山必备动作就系影相打咭，远影见风景加好细粒嘅李太，近影大合照见到李太皮肤好好，真材实料冇P图冇整容，呢啲就真系美魔女嘞。