【独家】陈汉娜叹去年收入得五位数　刘浩龙唔敢同郑嘉欣拍咀戏

刘浩龙（师兄）率领同门的陈汉娜（Hanna）和郑嘉欣（Christine）向《头条日报》读者拜年，席间3人挥笔写大字，祝大家身体健康、牛年好运到。讲到新年愿望是多拍戏，Christine即卖口乖想跟师兄合作，仲笑言唔介意献荧幕初吻畀对方，但于幕前未咀过女仔的师兄却大喊紧张！撰文：黎宝伦　摄影：梁志明　场地：彩福皇宴　鸣谢：Barry工作室

疫情冲击各行各业，原定去年在内地开3场骚的刘浩龙，虽然因个唱取消而唔开心，但令他有机会跟Eric Kwok和谷德昭开拓新YouTube Channel，亦参与了ViuTV剧集《熟女强人》和网剧《把砒霜留给自己》等拍摄，新一年也希望继续多演戏。问入行廿多年从未跟女星拍咀戏的他，可盼牛年来个零的突破？师兄打趣道：「今年唔好锡呀，大家尽量唔好有亲密接触。」私下Dry爆的他又称享受单身生活，难道不恨觅女友？他说：「佢会出现就出现，同埋去边度搵啫。（玩交友App？）唔会罗，唔通用真名Yo人咩，会俾人队出嚟好危险。」

凭《全民造星III》弹出的郑嘉欣盼能出歌，说罢即向旁边的师兄请教唱歌，对方赠言：「作品中带多啲自己想法，最紧要Enjoy唱歌，做自己喜欢嘅嘢。」Christine又表示对演戏有兴趣，亦想跟师兄合作，记者笑指二人可互献荧幕初吻，师兄笑道：「多谢先，你幕前有锡过？」Christine笑言冇。师兄即说，「掂呀！打和！我谂会好紧张，平日睇戏好激昂。（Christine：我唔惊。）但我惊。」作为咀戏老手的Hanna即分享经验之谈，指事前需与对手沟通好。不过谈到去年上半年几乎零收入，幸后来有MV拍帮补吓，Hanna说：「有几千蚊落袋已经好好。（成年收入得5位数？）应该系，真系捱唔到，要卖自己唔用嘅嘢。」至于牛年大计，她透露正洽谈新剧及电影，并希望学番打鼓。