囝囝片场探班勾童年回亿 洪天明爆细仔锺意做公主

洪天明在电影《拆弹专家2》与内地女星倪妮饰演反恐部队，在拍摄一场跟恐怖组织对战的场面，镜头前气氛紧张，镜头后温情洋溢，皆因天明太太周家蔚，带同囝囝洪大仁（TJ）、洪竟琋（JT）到场探班，天明跟两子见面，立即爱的抱抱，又揽又锡。

为争取与囝囝天伦共聚，未埋位的洪天明不惜放弃休息时间，在片场跟TJ、JT大玩捉迷藏，TJ更对天明身上的装备充满好奇；对于囝囝探班，天明自言勾起不少童年回忆：「我以前细个就系咁样喺片场陪爹哋（洪金宝），跟武师跳下弹床、玩吓玩吓就过一日，主要畀老窦见吓我！就好似TJ、JT咁，其实佢哋嚟探班，我都惊佢哋闷，但事实上佢哋觉得好好玩，见到所有道具都摸下，我又好开心见到佢哋，感觉好sweet。」

提到TJ对他身上的反恐装备甚感兴趣，天明表示：「哥哥（TJ）好锺意玩枪、做Super hero，细佬（JT）就锺意玩女仔玩具：洋娃娃，又锺意粉红色、又锺意做公主同着公主衫。」问到天明将来会否希望儿子继承衣鉢做演员？他即谓：「我会同我爹哋一样，唔希望自己小朋友入行，因为娱乐圈发展唔容易成功，唔系你话几勤力就会成功。其实作为家长，我觉得最重要系品格，将来大个佢哋成功与否、做咩行业，靠佢哋自己，但基本上人品要好。」

天明今次在戏中跟倪妮有不少对手戏，他大赞对方是个非常开朗的女演员，而且容易沟通：「佢样样嘢都会亲力亲为，有啲镜头导演冇要求佢亲自上阵，佢都会自己去做，觉得佢好有Heart。」