被催婚问到厌 汤洛雯怨马明：人哋都未求婚点答你啫

邵氏制作新一辑节目《Master's Talk》（《师父有请》），由林盛斌（Bob）及玄学家麦玲玲一同主持，首集请到被称为「2Line党」的成员朱千雪、汤洛雯、岑杏贤及蒋家旻做嘉宾，她们表示从没承认「2Line党」的名字，更戏言已由二线跌落三线。靓汤说：「我哋私底下个群姐名叫『幸福公主』，除咗我哋仲有张嘉儿。」麦玲玲表示如果女星在娱乐圈做到一线好红的话，就一定不会嫁得好，除非结婚后急流勇退；4女中蒋家旻最适合在娱乐圈发展，将来婚姻要嫁得远，才能开花结果。

今次节目主题是「嫁得好」，朱千雪和岑杏贤先后跟医生和金融才俊结婚，靓汤大赞朱千雪是好女仔，如果遇到拍剧有性感或接吻场口，她都会坚定地拒绝，其他姊妹都点头，更指她很理智，绝对不会戏假情真。

正与马国明热恋中的靓汤说：「我比较锺意搵个似我爹地嘅人，因为我阿爸系一个好乖、好锡屋企，我妈系凸，我爸系凹，我想搵类似…（马国明都系？）我系锺意讲嘢，佢都会出声，都会话：『你锺意啦』、『几好吖』、『无所谓啦』、『激死我』咁罗。（被催婚好大压力？）唔系好大压力，系问到有少少厌，有少少答到呆咗。次次都问，答咗唔系，我女仔嚟嘛，人哋都未求婚，咁我点答你啫？订婚一定会讲，大家唔使再问，一定公开，（又用公仔表达？）你唔好理啦，唔好亵渎我两只公仔。」