【独家】DisCover首为剧集唱主题曲 黄进林恨拍古装扮刺客
2021-02-08 23:00 
乐队DisCover近日为香港开电视外购剧《东宫》唱作香港版主题曲《错过你》，谈到今次歌曲大玩中国风，作曲的德哥（郭俊德）专程到录音室「监工」，他笑言自己有强迫症，尤其著重歌词的节奏， 于是乎在德哥与监制Patrick精益求精下，最后一句歌词黄进林（Michael）唱足40次才收货！采访：黎宝伦
首唱中国风歌曲的黄进林直言今次唱法较难，德哥也表示：「我写嘅Melody都唔易唱，高低音嘅Range好阔，但Michael可以做到，仲要揣摩感情、风格，其实系好高难度，所以我畀佢9分！」虽然NG数十次，但Michael指并非录最多的一次，「舒文监制嘅第一首派台歌《分开纪念日》录得仲多，佢训练咗我意志力、耐性，令我知道错乜位，之后同其他监制合作先顺畅啲，今次都轻松啲。」
锺意黎姿
锺意煲日剧的德哥称一直好期待写一首剧集主题曲，Michael也很荣幸有份为《东宫》献唱，更坦言恨拍古装剧，亦不介意剃光头，他说：「好型！因为现实世界冇可能着呢啲衫岀街。（想做皇帝？）我想做刺客喎，因为我锺意跳嚟跳去，打斗都有兴趣，如果有机会参与，我可以去学。（但做刺客会遮靓仔样喎！）通常锡女主角就揭开，好似蜘蛛侠咁。（德哥：谂多咗喇，你一出嚟就死㗎喇！同年纪大少少嘅女演员拍咀戏呢？）哈哈，唔介意，但我锺意黎姿（现名黎珈而），做『细细粒』时我已经爱上佢。」
最新回应