【独家】不知KLAU本为队友 P1X3L望靠实力踢走负评
2021-02-08 23:05 
由环球唱片及ViuTV合作打造首队男团P1X3L，成员包括《全民造星II》冠军Phoebus（吴启洋）、George（欧镇灏）和Marco（叶振弘），最近推出首支单曲《BRACELESS》。对于KLAU（刘瑞祈）本来有机会做成员，他们都是看报道才知。谈到未来目标，他们期望能夺新人奖，更想靠实力和表现踢走种种负评，而他们又即场发挥另类团队精神。撰文：杜淑霞 摄影：张咏森 发型：Him Ng@The Attic 化妆：Angel Mok 场地：The AIR (The ONE)
三子参加《造星II》之后，相隔一年才正式出道，他们解释因疫情有一定影响，George说：「其实我同Phoebus系完咗《造星II》之后，拍咗综艺节目，之后公司有畀资源我哋培训，一齐上做戏堂，唱歌跳舞公司都有安排，之后就定咗个《大海男儿》。」至于Marco坦承是后期再加入，「系拍《大海男儿》前两个月先至join，嗰时问我想唔想同佢哋合作，男团系我自己（G：FF）系！哈哈！」对于KLAU放弃加入，他们全不知情，George解释：「我哋系透过报道导出嚟先知，公司唔会同你讲谂住人选系点。」
讲到未来目标，George坦承最想P1X3L能够攞到新人奖，「始终如果攞到起码得到人哋嘅认同先啦！始终我哋嘅负评比较多，希望透过呢首歌改变我哋嘅形象。」George坦言由参赛以来，一直受「花姐契仔」传闻困扰，「都系嗰样『契仔』，首先我哋都唔再归花姐，我哋唔会抢资源先，当然我哋唱片公司系环球会分啲资源畀我哋，我哋唔会同MIRROR争任何嘢。」Phoebus只望大家睇到他们用心，「唔系想同人哋讲我哋有几努力，但每一个作品或者喺ViuTV嘅综艺，或者未来嘅歌、表演，每一样都畀大家睇到我哋P1X3L系有下苦功，唔系讲咁样。」
讲到三人分工，他们没有定队长，因不想依赖某个人，但Phoebus直言：「George绯闻嗰啲就留番畀George搞。」记者追问所指是否岑日珈？George即尴尬否认，但Phoebus再加多脚，「但系我头先喺车见你WhatsApp嗰个叫Angie（岑的英文名）喎！」George指因两人将合作新节目，Phoebus见George咁认真解话，即笑说：「我冇睇到，你做咩认咗！」激得George弹起，这种另类团队精神都几特别喎！
最新回应