Riley遇「蓝莓怪」劲崩溃　孙慧雪爆笑晒囝囝丑态连环图

好多小朋友都唔锺意食蔬菜，好似「三色豆」咁真系睇见都喊出嚟，索人妻孙慧雪（阿雪）个3岁囝囝Riley亦有偏食习惯，不过他讨厌的居然是香甜的蓝莓！昨晚阿雪于IG贴出一段影片，并留言：「唔想食蓝莓啫，好似我用枪指吓佢咁！救命。」片中，阿雪拎住支拮住粒蓝莓的叉，从客厅一路追住Riley到走廊，Riley就惊到面有难色兼爆喊，其间仲吓到拍大髀兼狂「揼地」，而背景一班大人就个个食晒花生喺度笑。

至于一众网民见状纷纷爆笑留言：「好似拍恐怖片咁嘅」、「好惨，但笑死」、「唔知以为被人打」等，圈中好友张美妮也笑谓：「好搞笑呀！」今日阿雪再于Riley的IG帐户，贴出囝囝起飞脚对抗「蓝莓怪」的丑态连环图，最后一张似乎Riley都受惊过度，眯晒眼软瘫在沙发上。呢个阿妈成日整蛊囝囝，认真百厌！