星島日報

【獨家】相隔37年跟父親再聯絡 吳綺莉望卓琳領略珍惜親情

2021-01-27 19:41
吳綺莉跟父親相隔37年再聯絡,她也希望卓琳將來會領略到珍惜親情。
吳綺莉跟父親相隔37年再聯絡,她也希望卓琳將來會領略到珍惜親情。

吳綺莉(Elaine)最近繼《理想國》後再參與ViuTV劇《太平紋身店》,劇中她一人分飾兩角,飾演性格不同的孿生姐妹俠盜「白玫」和「茉莉」,相當大挑戰。講到相隔37年跟父親再聯絡,更傾到墓地問題,Elaine坦承人大了更懂珍惜親情,亦希望女兒卓琳將來亦會明白這點。撰文:杜淑霞 攝影:張詠森 服裝:Acne Studios、JWanderson、Alexander [email protected]

吳綺莉跟父親相隔37年再聯絡,她也希望卓琳將來會領略到珍惜親情。
吳綺莉跟父親相隔37年再聯絡,她也希望卓琳將來會領略到珍惜親情。
Elaine坦言因疫情影響了很多工作機會,經常留在家令她增磅不少。
Elaine坦言因疫情影響了很多工作機會,經常留在家令她增磅不少。



Elaine今次接演《太》劇,首度一人分飾兩角,夠晒挑戰性,「好大挑戰性因為係演一對孿女,但係兩個唔同性格,家姐『白玫』有妄想症加精神分裂,爸爸係俠盜嚟,所以兩個都好叻去偷嘢幫人,細妹『茉莉』正常啲,兩個角色係好特別。」

Elaine小時候因父母離異,一直沒有再聯絡父親。
Elaine小時候因父母離異,一直沒有再聯絡父親。
自從卓琳跟Andi結婚後,Elaine跟她關係出現不少問題。
自從卓琳跟Andi結婚後,Elaine跟她關係出現不少問題。


同卓琳經中間人聯絡


講到早前在社交平台透露與父親相隔37年打電話聯絡,Elaine話這並非兩父女首度通電,年多前剛由美國移居返內地的姑姐曾聯絡她,並附上照片,當時她不以為然,「連我爸爸都冇見過,點會認得佢個妹。」直到對方透露70多歲父親在美國獨居,再附上父親照片,着她不如打個電話問候對方,「我就打咗電話去畀我爸爸,未夠一年前嘅事,傾咗一陣偈。」今次再聯絡,Elaine曾勸爸爸回來生活,「佢話喺美國3、40年驚唔習慣,仲話墓地都買咗,我就諗你喺咁遠,我過嚟睇你都未必過,我婆婆嗰啲全部葬晒喺香港,拜起嚟都容易好多,我哋啲對白就係咁樣啦!」


Elaine覺得若然早在20多歲時要主動聯絡父親可能會覺得尷尬,但現在人大了感覺截然不同,「佢都年紀大,我係一個大人嚟,始終佢係我爸爸,問候吓佢,佢又冇得罪我,我又冇得罪佢。人大咗懂得珍惜嘅嘢多好多,唔好話親人,對朋友、同事嘅感覺,廿幾歲唔會咁。」問到想不想卓琳早點領略這點?Elaine好淡然話:「呢啲要時間,去磨練去學習囉!」至於會否期望卓琳將來都會收到爸爸來電?她坦言:「我從來都冇諗呢樣嘢,我自己有宗教信仰會為佢祈禱。」她又透露現在跟卓琳保持某程度上聯絡,有時要透過中間人。

劇中,「白玫」跟太平街一班街坊關係複雜。
劇中,「白玫」跟太平街一班街坊關係複雜。
Elaine在《太》劇中,主要戲份是患有妄想症加精神分裂的大孿「白玫」。
Elaine在《太》劇中,主要戲份是患有妄想症加精神分裂的大孿「白玫」。
Elaine為令細孿「茉莉」多點分別,不論造型和演繹上都花了不少心思。
Elaine為令細孿「茉莉」多點分別,不論造型和演繹上都花了不少心思。
劇中Elaine有牀戲,卻被網友指重口味。
劇中Elaine有牀戲,卻被網友指重口味。

最新回應

關鍵字

相關新聞

熱門文章