【独家】跟女神周秀娜合作有惊喜　黄德斌自谦要向姜涛学习

刚获ViuTV邀请拍摄港版《大叔的爱》的黄德斌，之前已首度与ViuTV合作剧集《太平纹身店》，饰演曾经叱吒江湖的街主「叶盖天」，有型的斑白头发配满脸胡须造型，但原来有苦自己知。由于该剧在疫情下拍摄，令进度大受影响，不过德斌开心跟全新班底合作，笑言似青春剧一样有活力，更大赞跟女神周秀娜合作有惊喜，仲笑指要向演其囝囝的姜涛好好学习。 撰文：杜淑霞 摄影：李维隆 发型：Jeremy@ Hair Culture 服饰：HOKA

首度跟ViuTV合作，德斌感觉似拍电影，休息时间更加充足，「系会好好多嘅，演员都系需要有时间去休息嘅，要去恢复个状态先会好啲。」虽然今次角色比较沉重，但德斌觉得拍摄过程相当愉快，「因为有新鲜感，个个都系未合作过，基本上系同一班年青人去拍剧，我感觉好似一套青春剧咁，我仲可以拍青春剧喎！？系咪有回春嘅效果？梗系有啦，系啲年青人身上都有嘢学㗎嘛！」

恨到满面胡须
讲到最年青，肯定是饰演德斌囝囝的姜涛，他更笑言要向这位新偶像学习，「佢OK嘅，犀利嘅，佢成为新偶像都唔系一朝一日嘅，佢都OK乖，我又唔觉得佢怯我喎！反而系我怯，佢一嚟就有几十人跟住我都未试过，哗！好耐都冇试过咁嘅情况啦！偶像！偶像！真系要跟佢学嘢，佢啲粉丝仲畀嘢我饮，梗系啦！佢哋惊我恰佢呀嘛，哈哈哈！第一次有咁大个仔感觉梗系正啦，哗！万人迷喎！一生出来就做偶像你话几好，唔使烦，几多人照顾佢先得㗎！」至于跟周秀娜合作，德斌亦赞不绝口，「女神即系女神，佢几爽直嘅，佢唔系话要成日补妆嗰啲，有少少男仔头𠻹！佢唔使话等佢又要整呢样整嗰样，好快可以埋位做嘢。」

不过，今次拍摄亦有令德斌受了不少皮肉苦，就是满面胡须的造型，「日日都要黐，又要落妆，每日黐住10几个钟，啲胶水甩又要成日补，搞到食饭都唔想食咁滞，但系个效果出嚟OK嘅，我都唔知几想有（咁多胡）呀！我恨咗咁多年，终于畀我恨到啦！」