【你就好啦】中《鬼灭之刃》毒吴业坤大阪拍剧场版主题曲MV

2021-01-08 19:00

日本动漫《鬼灭之刃》热爆全球，不少艺人都中咗「鬼灭毒」，身在日本的吴业坤更与当地创作歌手高木洋一郎Cover了剧场版主题曲《炎》，以「大阪一日游」作主题拍摄MV，只见坤哥在心斋桥及大阪城公园等地标游走，又坐电车及食驰名章鱼丸，相信好多一年去几次日本的香港人睇完会非常葡萄！

另外坤哥又开心Share日文教学：「同高木洋一郎一齐简单喺大阪拍咗啲同唱咗啲嘢，希望大家开心吓！日文ブラブラ的发音＝BURA BURA，即系我只猫 RABU调番转读，类似周围行吓咁解，用法系放工后同食饭前嘅时间无嘢做，自己一个人出去行下就会用ブラブラ（语感）。」Fans纷纷留言「睇咗当去咗」，又叮嘱他快点「找数」出新歌。