【独家】去年9个月零收入好难捱 RubberBand出新歌为香港人打气

由主音6号（缪浩昌）、结他手阿正（冯庭正）、低音结他手阿伟（李兆伟）及鼓手泥鯭（黎万宏）组成的乐队RubberBand（RB）夺走商台「叱咤乐坛我最喜爱的组合」及「叱咤乐坛组合」银奖，对于落重本，啱啱推出第9张全新专辑《i》嘅RB来说，系一个重大鼓励，泥鯭说：「新歌系为自己，为香港人打气，有幸观众能够得到共鸣，畀到能量我哋继续做落去。」采访：方骞平

RB新碟《i》收录喺前年社运期间写嘅《漫长》、《醒未》、《百毒不侵》及点题正能量歌《每道微小》等，6号说：「由19年至20年我哋嘅城市同以前唔同咗，社会运动同埋疫情都令我哋要重新思考返，『一个个体喺一个社会、一个城市、一个地球里面，究竟可以担当一个咩角色呢？』如果成只碟由头听到尾，彷佛返去某啲时代咁，今次系时代推住我哋去做记录。」

一点烛光的力量
原先四子打算去年3月出碟，然后再开Show，点知受疫情影响，计划赶不上预期，唱片一拖再拖至年尾，最后只能喺12月12日开到一场线上音乐会。去年1月至9月都系零工作零收入，过得相当艰难，不过，泥鯭及队友做音乐信念不变：「如果大世界唔可以再创作，我哋咪搵第二条出路罗，有空间会坚持落去。」阿伟和应话，就算冇钱赚都会做。至于核心歌《每道微小》讲每个人好渺小，其实可以好伟大，就算一点烛光都可以发到好大，泥鯭希望鼓励大家，喺困难时间都要相信自己。

传好朋友黄心颖被TVB解约，问到会否将歌送畀佢打气？泥鯭即避谈，大耍太极说：「呢首歌系鼓励身边队友先，尤其近两年大家都有无力感，但原来每个人出一分力会影响到个世界。」在旁6号即搞笑说：「咁ViuTV签佢罗！」