【独家】被邓建明用粗口闹到大 「和音王」锺达茵出碟唐奕聪赞好
2020-12-20 23:15 
「和音王」锺达茵（Pam）曾为陈奕迅、容祖儿、薛凯琪等作曲填词，亦系太极乐队演唱会音乐班底。2011年创作的作品《明明爱你》卖到台湾由当地歌手林凡演唱，红极一时，最近她改成广东话版翻唱，获「爸爸」唐奕聪(Gary)及「师兄」邓建明(Joey)力撑，Pam好感动并大爆畀Joey爆粗由细闹到大才令她成材！采访：方骞平 场地：THE STADIUM@观塘
去年锺达茵自资推出限量版卡式带连卡式机套装大碟《One Time Only》，收录咗《明明爱你》、《活在记念中》、《傻瓜》等歌，坚持畀钱出歌，因为Pam视 Joey哥系人办，由幕后走出幕前一样咁受欢迎，更恨有朝一日成为太极乐队表演嘉宾。
愈闹愈进步
三年前Pam翻唱《明明爱你》时，Joey主动提出要帮她手，还背住枝私伙木结他入录音室录制结他部份，令她十分感动：「唔好以为Joey哥成日嬉皮笑脸，其实对音乐好严谨，我有个名叫『移动靶』，畀佢粗口X大，尤其是做太极红馆演唱会音乐编程员先闹得甘，不过我又抵闹嘅，当时经验又少，慢手慢脚，切合唔到佢哋时间要求，同埋佢会成日打嚟话我唱得点唔好，反而Gary哥锡住我唔会闹。」Joey Tang大笑说：「佢特登做错嘢畀人闹令人开心吓啫，不过佢进步得好快，𠵱家我哋冇得唔用佢喇！」Gary Tong就大赞Pam喺Joey鞭策下唱得好好，而且新版比十年多前摩登。
问到太极可会收徒？Gary Tong说：「哈！当年我只系搵赚钱工具，点知佢哋青出于蓝，搵钱仲多过我。我当Pam系囡囡，Joey就系徒弟，所以Pam同Joey系师兄妹关系，正确嚟讲呢两个系我音乐知己，都能够独当一面。」
最新回应