圣诞拒约黄宗泽 陈嘉桓：同唔熟嘅人咪交流太多

陈嘉桓（Rose）为口罩公司进行直播活动，期间发现不少新防疫产品，Rose笑言将大手入货做圣诞礼物：「送防疫用品咪几好罗，起码又靓又实用，唔会交换完就摆埋一边，今年圣诞节会同家人一齐过。（会唔会约黄宗泽？）依家第四波疫情唔敢周围走，其他人少见为妙，同啲唔系咁熟嘅人都系咪交流太多喇！（送礼物畀佢？）哎呀，我拣圣诞礼物都系畀家人同亲密啲嘅朋友先嘅！（将佢降级到普通朋友？）疫情下大家各有各忙，圣诞节咪陪屋企人罗。」

因疫情关系，Rose的皮纹分析课堂亦受影响。她说：「依家要改做Zoom上堂，如果要见小班教学、见客就要做足啲防疫措施，咁大家都安心。呢排做Live嘅时间多咗，发现自己口才都有进步！初出道大家当我系『小师妹』，企埋一边唔多讲嘢，依家讲足半个钟都可以冇停口，希望大家都感受到我嘅努力。」