【个厅好整齐】放假打机过日辰蒙嘉慧称呼郑伊健「条友仔」同「阿腥」

2020-12-11 20:04

TVB前金牌监制钱国伟日前出殡，同佢相识数十年嘅郑伊健担任治丧委员会兼扶灵，无论设灵及出殡日均一早到场打点，好有心。送完老友一程，生活仍然要过。

伊健不久前完成咗同任贤齐合作嘅电影《大Project》，家阵未有工开。第四波疫情咁严峻，唔适宜周围去，好彩伊健一向多嗜好，特别锺意打机，有机有Game，闷?唔会啦。

今日蒙嘉慧就同郑伊健一齐喺屋企打《蕯尔达无双》，点解会知?因为郑太出咗Post，睇吓佢点讲，「打紧《蕯尔达无双》，正准备出售冇用武器之际，突然部机不受控制卖出心爱武器⋯⋯
条友仔大叫：「有冇搅错，个手掣坏咗...冇阴功未save㗎」
我：「阿腥，你控制紧我部机，你冷静d。企埋墙，俾我用原力打你一身，我会平衡番d」。

虽然唔系现场，但睇文字都相当有画面，另外顺便一提，郑阿腥屋企个厅好整齐，冇多馀嘢，仲放咗植物，木条墙感觉非常Warm。