遭网友嘲牛扒慢煮25个钟　黄宗泽大厨出马家中展厨艺

身为餐厅老板的黄宗泽（Bosco）出名厨艺高超，不时在家中亲自下厨宴请老友，好似龚嘉欣、「三哥」苗侨伟、旧爱胡杏儿等食过都激赞好味！由于新冠肺炎疫情关系，政府早前勒令食肆禁止晚市堂食，最近忙拍新剧《飞虎3壮志英雄》的Bosco，日前趁唔使开工就喺屋企煮番两味，兼Po上IG呃Like。他先贴出一张手拎血淋淋生牛扒的自拍，并懒得戚地预告：「睇吓我今晚点炮制你啦！」结果等咗一日，Bosco终于再喺IG晒靓扒相展示成果，同场加映仲有一碗西汤，望落拍得住米芝莲餐厅嘅水准，他写道：「泡制完成。慢煮3个钟，再加多个豆乳马铃薯浓汤！」好友吴千语即留言投诉：「有得睇冇得食。」而一班网民就揶揄Bosco：「一煮就系一日」、「慢煮了25个小时吧？」