【独家】佩服秦沛对演艺团火不灭 王浩信笑要学埋keep二头肌
2020-12-03 23:58 
王浩信在剧集《踩过界II》中再度饰演「盲侠」大律师，他承认压力来自令观众觉得有突破，不过今次遇上好多好拍档，除了跟演同样是视障人士的师妹张曦雯谈情外，与难得拍剧的秦沛（Paul哥）亦有不少对手戏，有机会偷师之馀，仲感受到Paul哥70年来对演艺工作那团火依然旺盛，更指笑Paul哥连身形及二头肌一样keep到，绝对是他奋斗的目标及榜样。撰文：杜淑霞 摄影：谭壹致 发型：Sue Cheung @Hair Corner 服装：SANDRO HOMME
今次是浩信跟张曦雯初次合作，未开拍前他已感受到新拍档好掂，「大家一齐上学扮视障人士嘅堂，佢好聪明，𠵱家啲90后都好聪明，可能大家食嗰啲奶粉有关，哈哈！大家追求演出感觉都好一致，其实佢个角色唔易演，但系佢都拿捏得好好。」
浩信最开心继电影《催眠裁决》后，能够再跟Paul哥合作，「可能因为喺电影大家接触过，佢喺现场提供咗好轻松嘅感觉畀大家去创作，反而个压力系嚟自今次系一个续集，你点样再畀一啲唔同嘅嘢观众睇呢！？」虽然剧内他跟Paul哥两师徒火药味浓，但剧外却无所不谈，「好想请佢食饭㗎！佢唔畀我哋请仲请番转头，好照顾大家。佢去到今时今日仲做紧Gym，疫情都喺酒店房攞住个哑铃举嘢，仲叫我鍊吓佢个二头肌！（向佢学习？）当然我系要向佢学习。最难得佢70年都keep住嗰团火，好似keep住个二头肌一样，等佢唔好堕。（系咪目标？）我都锺意㗎！但好难讲嘅我好微少，睇个天想摆你喺边，不过我会尽力。」
讲到有否信心凭《踩过界II》及《反黑路人甲》再夺视帝，他说：「有啲啦！好难讲，但系想《反黑》多啲奖项，因为喜剧系我最锺意嘅类型，终于拍到，而喜剧好似喺奖项礼唔挂勾咁，但系今次喺大家心目中有啲印象，梗系希望年尾成个团队可以有啲鼓励。」
最新回应