【独家】同4岁囡囡合作画画做善事 刘倩婷用正能量面对疫境

慧妍雅集一直都有举办不同的慈善活动，继今年4月捐赠2万个口罩为有需要人士雪中送炭后，今个月又有最新慈善活动《Dream Big》，约40名慧妍会员制作并捐出画作，画作会设计成不同的用品作义卖，为慧妍雅集筹募慈善经费，用以支持与慧妍雅集慈善主题「用爱闪耀明天」相关之慈善项目。09年港姐冠军、前慧妍会长刘倩婷（Sandy）就同4岁多的囡囡李仟辰（Eldora）为活动合作画画，Sandy表示：「囡囡遗传咗爸爸嘅艺术细胞，好锺意画画，大约两年前一识执笔就开始画㗎嘞！」撰文:何蔓琪

Sandy知道囡囡喜欢画画会不时带她参观画展：「其实阡辰嘅画作经常喺艺术学校展示，早前亦有带佢去朋友开设嘅画廊参观，囡囡亦好锺意。今次囡囡Lead住我完成呢幅大闸蟹画作，灵感系来自日常生活，佢知道妈咪锺意食，畀我望梅止渴。」外界一直盛传Sandy有喜，问到系咪因为怀有第二胎而要戒口？Sandy笑笑口冇否认：「要尽量少食啲罗！如果有好消息一定会通知大家！」

Sandy指早前疫情稍为缓和时，老公李丞责都有同囡囡仟辰一齐去行山，为求安全都有全程戴好口罩。面对新一波疫情来袭，Sandy都唔敢松懈：「之前都仲有约朋友，几个家庭一齐玩，而家真系唔敢见太多人嘞！连私人聚会都尽量避免。」她又感谢老公带好多正能量畀屋企：「抗疫疲劳一定会有，但最重要系可以共渡呢个难关，老公亦会畀好多正能量屋企。呢段时间就趁机会多陪伴家人，大家感情亦增进唔少。」

疫情经历第四波，仟辰经常要留家上堂，「囡囡喺屋企嘅时间多咗，庆幸老公一直喺香港，可以两个人分工，亦都有时间处理平时繁忙而未能处理嘅事情，尽量以正能量去面对，大家加油。」若疫情完结最想去边度？以往一有时间就出国度假的Sandy指去边都得，最紧要一家人齐齐整整：「咩地方都想去，我哋锺意瑞士、马尔代夫、日本。一家人喺一齐，去边度都咁开心。」