剧组精心炮制「惊」喜派对　朱茵49岁生日获老公隔空送歌贺寿

前日（25日）是「童颜仙子」朱茵的49岁生日，正为电影《雨打芭蕉》长驻内地开工的她，虽然跟老公黄贯中（Paul）和爱女黄莺分隔两地，但有心思的Paul早于凌晨已「遥距送礼」，她说：「囡囡同老公向来都好重视我生日，噚晚我收夜，收工已经到咗生日，不过因为网络问题，接唔到老公电话，令佢好焦急咁搵我，最后佢唱咗生日歌畀我听，今日亦都唱咗，所以我带住愉快嘅心情开工。其实喺工作中度过生日系一个好兆头，寓意全年富足圆满。」

除此之外，朱茵更获剧组精心炮制「惊」喜派对，「成组人叫我入房，好严肃咁同我讲，今日嘅戏要重拍，我心谂：『唔好啦，就快煞科喇，唔想浪费大家嘅心血。』但系佢哋讲得好有说服力，我又觉得系喎，啲光好似唔连戏，最后佢哋仲差啲发火！点知工作人员突然播咗段片，内容系《雨打芭蕉》嘅剧照、我喺片场嘅快乐片段，令我好感动。」与剧组朝夕相对近一个月，感性的她直呼不舍，「虽然仲有几日先煞科，但我已经好唔舍得呢班好努力，而且热爱电影嘅年青人，佢哋系我身边嘅小天使。」

提到今年的生日愿望，朱茵祝愿电影《雨打芭蕉》取得佳绩，还表示外柔内刚的「吴霜」一角，是她的转型之作：「我好期待呢部电影，因为同我以往接拍嘅角色好唔同，呢部戏可以话系转型作！《雨打芭蕉》系一部好贴地嘅艺术电影，将好多现况透过电影话畀大家听，希望入场嘅观众朋友会感同身受。」