拍饮食节目令事业更上一层楼 卫诗雅逆市吸4广告

卫诗雅（Michelle）频频拍摄饮食节目《卫食攻略》，带网民周围食好西兼贴地介绍茶餐厅，大受网民欢迎，每集均达到十万点击率，其个人频道日前更超过10万人订阅，更获颁发奖座。

Michelle坦言当初拍摄只为兴趣，因为她十分喜欢吃，特别是茶餐厅，更会瓹窿瓹罅寻找隐世茶餐厅。她说：「由自己一个兴趣，变咗一个令我事业更上一层楼嘅一个梯级，所以我觉得好幸运。」将兴趣变成工作，Michelle表示有得有失，失去的是一向纤瘦的身材，「确实有一段时间肥咗好多，因为有时一日晏昼会食3间茶餐厅，嗌几多我都会食晒，唔会浪费食物。甚至乎off咗机，我觉得好食我都会再嗌。所以有一段时间公司同我讲：『你真系胀咗好多啦喎！』，叫我唔好再食，食少两间。所以之后拍完嗰晚就食少餐，要勤力跑步做运动。」
Michelle又表示网民的评论，她全部都有看，还会互动，当看到网民介绍给她的餐厅，她真的会去试。
除了得到网民支持，Michelle亦得到不同类型的广告商合作，在逆市情况下，今年她已接下4个广告，可谓猪笼入水。Michelle表示：「我觉得自己非常之幸运，有一样嘢好开心就系好多时候屋企人或者朋友喺街见到我嘅广告，佢哋会合照再send返畀我，我觉得好似距离拉近咗，因为依家比较少出街，但系大家可『合照』，个感觉好得意。」