【独家】25岁细John恨闯娱乐圈　姜大卫介绍孻仔畀陈嘉上识

姜大卫（John哥）夫妇早前带埋孻仔姜卓文（细John）同女儿去又一城行街，其间，充满表演欲的细John更忽然身痕跳舞，另一日巧遇导演陈嘉上，John哥仲即刻介绍囝囝畀对方识，唔知系咪想趁机帮细John搭路入行呢？采访：谭壹致

现年73岁的姜大卫与太太李琳琳结婚46年，育有两女一子，25岁孻仔姜卓文更尽得父母遗传，生得高大又靓仔，十足韩星咁。因此两年多前，John哥已爆囝囝获两间公司邀试镜，至去年，一向对唱歌演戏感兴趣的细John，就参加咗ViuTV选秀节目《全民造星II》， John哥仲公开力撑「想个仔赢」，惜最终未能杀入决赛，但细John并冇放弃，继续于社交网分享自弹自唱Cover，近来还跟Tank（梁德忠）学跳舞，增值自己。

老窦做到嘢
早前下午2时许，细John陪父母去又一城食完Pancake后，一家三口便笠番个口罩到银行换钱，其间John哥企喺侧边傍实老婆办事，一时又担天望地，而开始习「舞」的细John等到闷闷哋，就忍唔住企喺窗边「排舞」，之后又好Gentleman地绕住妈咪离开。另一日下午3人再次出动，并约埋家姐一同去运动铺买波鞋及健身用品，席间两老各自在店内闲逛，虽然John哥频频绕埋双手又插袋，好似好Cool，但路过一间餐厅巧遇陈嘉上，他即展露笑容并呼叫对方，随即捉囝囝埋嚟跟Uncle打招呼，细John亦礼貌地向陈导鞠躬，见陈嘉上笑晒口，似乎都几锺意呢位世侄。