Jessica@SG结婚一周年再拍婚纱广告 惊讶香港超多大自然靓景

女子组合Super Girls成员蔡明思(Jessica)去年底与拍拖6年的圈外男友Steven结婚，适逢结婚一周年，去年曾为二人拍婚纱相的婚礼公司，再次邀请二人「夫妻档」担任代言人拍摄婚纱广告。

事隔一年再穿起婚纱，Jessica直言非常开心：「感谢客户邀请，喺结婚一周年当日去影相，又可以顺道庆祝，而且好多人见到我着婚纱影相都恭喜我，当我系新婚，感觉自己好似由上年keep住被人祝福到今年。」Jessica表示由于疫情关系，今次拍摄只能留在香港，未能如去年一样到日本取景，但Jessica与老公对行程亦相当满意，又自言是「大乡里」，表示从不知道香港有很多景色优美的婚照拍摄地方，她说：「我唔知道香港有咁多咁靓地方，老公非常开心，因为佢好锺意行山，去一啲未去过地方，好似去咗大榄涌、南生围、锦田红砖屋拍摄，对我哋嚟讲好新鲜。」Jessica更以「震撼」来形容大榄涌的景色，她笑说︰「我唔知道香港有咁多咁靓嘅大自然地方，靓到我觉得有啲震撼，好似去咗外国。上年去日本影结婚相同今次都系同一班拍摄团队，大家见到咁靓嘅景，都话唔洗去日本影，去呢到就可以。」

疫情期间，Jessica与老公都发福不少，她表示为了今次拍摄，事前不停做运动修身，相反老公则「偷懒」，拍摄前一日才「临急抱佛脚」，她说︰「因为疫情大家唔可以成日外出，加上我近排经常下厨拍摄节目，成日搵老公试食，呢段时间佢都肥咗好多，我话我要减肥叫埋老公一齐减，但佢唔系好跟我去做运动，反而系临急抱佛脚，拍摄前一日同我讲唔食晚饭，不过一日唔食应该唔会有好大差别。」



提到结婚周年礼物，Jessica表示不要老公送手袋钻饰，而是希望老公送洗碗机，她笑言︰「之前我同佢讲咗好多次，但佢一直唔买，因为佢觉得唔系人手洗唔乾净，有一次Yanny特登喺我老公面前大赞部洗碗机有几好，比人手洗更乾净，我老公听完后就去买畀我，我都好锺意呢份礼物，好开心，因为唔怕有『主妇手』。」