喱士Bra上阵Sell自家手袋　Jessica@SG嗌尴尬：人生着得最少布一次

女子组合Super Girls成员蔡明思（Jessica）去年升呢人妻，婚后工作量却有增无减，日前，她就以激罕性感造型上阵，为自家品牌手袋拍摄广告硬照，其间Jessica更挑战性感底线，首度在镜头前仅以喱士Bra示人，难怪她甫出场即大叫尴尬，自言是工作中，人生穿得最少布的一次。Jessica说：「旅行喺沙滩，人人都着三点式，自己着会觉得冇所谓，但在工作中，得我一个人着得咁性感，感觉好唔自在，我对工作嘅性感底线比较高，如果只穿三点式开工，我会尴尬同冇自信，所以要我穿三点式的话，我一定要有件衫遮遮掩掩。」

至于过程中最难忘的，Jessica认为是穿上大露背短裙「躺卧」在草丛中的一幕，她说：「本身好惊昆虫，可能细个试过有虫喺树上跌落我身上，对任何虫类都好有阴影。今次瞓喺草丛里，眼前就系密麻麻嘅杂草同叶，有啲叶上满布一点点，唔知系虫卵定发霉，总之见到，我成个身都觉得痕，忍得好辛苦，不过影出嚟效果好靓，总算值得。」

问到今次可有向老公Steven「备案」？Jessica直言工作上的事很少跟老公讲，不过她笑言老公属唯美主义者，对性感的底线比她低，只要是性感的美，老公一定会接受。谈到生育大计，Jessica表示仍在进行中：「觉得都系时候，但呢啲嘢冇得强求，唔想畀太大压力自己同另一半，所以都系顺其自然。（想生仔定女？）老公想生仔，佢系传统观念，其实生仔生女都唔紧要，最紧要小朋友身体健康，希望我嘅缘份快啲到。」