【独家】MIRROR怂恿参加《造星III》 顾定轩自称跳舞灾难

顾定轩14年参加电影《爱·寻·迷》入行，6年来参演过多部电影和电视，一直以演员工作为主，最近毅然参加ViuTV的育星真人骚《全民造星III》。轩仔坦承今次因MIRROR成员Jeremy怂恿而激发他挑战自己那团火，不过当面对比赛确实爆露自己不少缺点，特别跳舞方面极之唔掂，他更堪称自己是跳舞灾难。采访：杜淑霞

轩仔解释参加《造星III》契机，就是年初参演ViuTV剧集《男排女将》，「其实前年参加金像奖opening嘅表演，同一班新演员一齐练，嗰时已经唤醒咗自己除咗演戏之外，其实仲锺意其他表演譬如唱歌同跳舞，同埋好想大家了解一个真正嘅顾定轩。到拍《男排》Jeremy成日叫我参加，其次就系肥仔（ERROR）同埋193（ERROR），因为佢哋喺现场都攞时间排舞练习，我会跟埋佢哋一齐玩，佢哋就话你咁锺意不如试吓啦！」



对于今次机会，轩仔视为挑战自己及成长的过程，「我觉得呢个系最适合嘅时间参加，畀啲空间自己喺拍戏以外机会去挑战吓自己，演戏系要经历多啲先可以带到畀演出，或者嚟紧有啲角色需要更多人生嘅历练，而呢个节目会畀到好多成长我，系一个好大嘅成长课同表演课，我本身跳舞唔叻，又唔系唱歌特别好，呢个节目就系可以逼迫到我哋，爆发自己嘅小宇宙，同埋鞭策自己，譬如拍摄完你仲会唔会返到屋企继续练呢！？」

表现不满爆喊


讲到参赛的压力，轩仔反而认为不是来自观众的评价，而是自己给自己背负的包袱，「我着眼点唔系观众嘅反应，反而系我自己表演好唔好，我系以演员身份去做呢件事，我系背负住畀过机会我嘅人，如果我做得唔好，系有愧以前畀过机会我嘅人，当然我最希望暂时放低呢个身份，去享受呢个过程，可以演变成一个全新嘅顾定轩出嚟，令自己可以成为更全面嘅艺人。」



轩仔最开心跟其他参赛者相处融洽，「今次大家都好搏，但惺惺相识，会互相帮助同提点对方，又会分享经验。」不过，始终演出都要靠自己，他坦言跟以往参赛者一样，都因为对自己表现不满而爆喊，「其实都喊咗几次，但尽量唔畀镜头影到，唔想咁样衰，不过呢个比赛真系好残酷，会令人好心酸，其实大家已经好努力去超越自己。」至于最唔掂的地方，他直认是跳舞，「我堪称跳舞灾难，我以为自己手脚算协调，原来真系唔掂，所以我拍摄完咗会返屋企疯狂咁练习。」