【独家】相处不爱童话式浪漫 何雁诗同郑俊弘互闻测体臭

何雁诗（Step）最近推出新歌《基本恋爱套路》，她上次接受《头条日报》访问已预告创作了这首歌送给未婚夫郑俊弘（Fred），当时她本打算给Fred惊喜，最终忍不住给了对方听Demo，现在更顺理成章找Fred充当MV男主角。Step坦承跟Fred的爱情并不如外界想像的童话式，反而平日相处非常简单，绝不浪漫，只爱宅在梳化睇电视，互闻对方测体臭，已觉得好满足。撰文：杜淑霞 摄影：李维隆 场地：The Air (The ONE)

Step最初都担心送歌给未婚夫这举动太老土，但最后都决定随性去做，「我本身系谂住唔做，我本嚟唔想将婚姻变咗一个商业嘅用途，但系写写吓Demo时，觉得亦都系纪录咗我呢一刻一个好真实嘅感觉，因为我喺呢个时候勉强做一首悲情歌，反而格格不入，𠵱家做一首歌适合我结婚待嫁就嚟做人妻嘅感觉，反而合理得多。」




冲凉突然灵感到

讲到Step的创作过程，原来都几搞笑，「大概系Fred求婚之后冇几耐写，今年年头度，我最深刻系喺厕所个洗水盘嘅水喉前面，临冲凉之前突然间好似有啲计喎！咁就即刻搵手机录咗，嗰时我冇谂住攞嚟做一首歌，因为喺年头嘅时候未试过有广东歌出过，去到年中嘅时候，我再畀监制Cousin Fung听，佢觉得首歌有啲特别，仲将我啲一忽忽嘅歌，砌埋成为一首好完整嘅Demo。」至于歌词方面，Step搵来第一次合作的Oscar填词，还将平日跟Fred生活的日常做主题，「好多时外界觉得我同Fred关系比较多波折，比较戏剧化，其实我哋平时日常生活系好简单，唔系好似公主王子咁。首歌用《基本恋爱套路》系有啲讽刺成份喺里面，一般恋爱嘅套路可能系男仔一定送花，第一次约会食法国餐饮红酒，但系反而我哋嘅套路喺屋企好简单食餐饭就已经满足，同外界觉得套路唔同。」

望明年摆酒开骚

Step觉得跟Fred的浪漫定义，跟一般人大不同，「我哋对浪漫定义，都唔系好传统唔系买花，或者讲啲好sweet嘅嘢就系。我觉得最浪漫反而唔系求婚嗰时，而系喺梳化度我闻吓佢脚指，佢又闻吓我嘅胳肋底，哈哈！我觉得简单先系最浪漫。」对于这种怪癖，她再次解释，「呢单嘢系有原因，脚指我哋自己又闻唔到，但好注重个人卫生，唯有帮对方check吓，好原始地好似马骝都系会帮对方检查捉蚤，我哋都系呢个套路，我哋系猴子嘅基本恋爱套路，哈哈！」




即将于11月7日跟郑俊弘注册结婚，暂定明年才摆酒的Step，当了独立歌手接近一年，推出了3首风格不同的单曲，Step很满意这年的音乐发展，未想专心做人妻，反而已定好明年的音乐目标，「做完第3首歌，我已经做紧第4首歌，出年做完第4首歌，希望开到骚回馈番我嘅歌迷，我实在好挂住唱live，成年冇唱过，所以我对于明年嘅期望系又摆到酒又开到骚。」