【独家】逃出虎口　刘芷盈拒做「女友」失片约　 32D张若锜被导演利诱开房

常说娱乐圈是一个大染缸，江湖传闻有女星靠「在职陪瞓」博出镜、博上位，不过并非人人为此出卖肉体，好似近日凭ViuTV探灵真人骚《鬼同你上位》弹出的32D𡃁模张若锜（Angus）与有「最靓羽毛球教练」之称的前羽毛球青少年代表队成员刘芷盈（Mizer），均大爆有电影圈的幕后人员曾向她们提出「特殊要求」换取工作机会，虽然两人因未有接受「潜规则」而失片约，但Mizer却绝不后悔，一向性格爽直的Angus就冷笑道：「有机会就系幸运，冇机会都冇得强求，可能我唔系真系咁想红啩。」撰文：黎宝伦　摄影：张咏森、李维隆

张若锜原定今夏推岀游记散文集，以自身经验开解受情所困的少女，惜最终因疫情爆发而打消念头。自认「渣男磁石」的她曾揭发初恋男友偷食，对方更跟第三者赤裸影牀照，那么另一半可有撩她影「闪卡」？Angus说：「又冇，加上我系冇安全感嘅人，觉得电话会唔见又有iCloud，可能会流岀，所以一定唔会影！」提到早前网上疯传疑似Rose Ma牀照，又传她在夜总会任职「妈妈生」，并搵「有潜质女仔」出席「饭局」，「我哋合作过，但唔熟，谣传系咪真都系当事人先知，有时网民留言系任佢噏，唔可以靠听嗰啲人讲。」

经常被问价
至于可曾获邀『招呼』客人？Angus不讳言经常于IG收到「问价」短讯，「我收过Message问我一晚几钱，最高开过80万，但我唔会理佢，心谂辛苦几年都搵到啦，普遍佢哋开嘅银码都吸引唔到我罗，哈哈！」那么会否为工作机会而接受？近年踩入影视圈的她直言：「有导演问我同唔同佢去酒店食饭。（餐厅？）房呀！佢话要隐蔽啲，我觉得好奇怪，所以冇覆佢。（系知名导演？）唔方便讲，相信有人识嘅。」虽然不时听闻圈中人出卖肉体换机会，但Angus认为：「个人觉得有机会就系幸运，冇机会都冇得强求。」不过若然是角色需要，作为演员的她亦不介意全裸演出，「其实露三点冇乜特别，好多外国片都有咁嘅情况，最紧要画面好睇。」

要求做「女友」
由运动员转型当歌手兼拍戏的刘芷盈正洽谈通关后赴台拍网剧和电影，她透露刚入行时，也曾遭敲门要求「潜规则」换片约，「我拒绝咗之后就失去一个好好嘅机会，嗰次系一部台湾电影，本身倾好咗同棒棒堂合作，但就因为咁冇咗。（导演要求？）呢个唔讲得喇。（要求乜？）做佢女朋友罗！」Mizer表示除非锺意对方及想同对方拍拖，否则用「做女友」作交换条件就唔OK。不过Mizer坦言：「我冇后悔，但有时都会谂接受咗条路可能就唔同。」入行10年的Mizer也坦言未满意自己的演艺成绩，虽然目标并非要大红大紫，但希望挑战更好的电影及剧集角色，「有谂过参加大台训练班，但可能迟咗啲。比起而家新入行嘅00后，年纪上我梗好输蚀，唯有继续努力。」