同汤沛宜齐晒「撞鬼」后瘀痕　林钰洧为退赛致歉：好似喺死亡边缘

热播中的ViuTV灵探比赛真人骚《鬼同你上位》近日成为网上热话，不少女参赛者都相继「出事」，其中之一的林俊贤女儿林钰洧（Denice）在早前播出一集，到已故武打巨星的故居探灵并疑似撞鬼，事后更自爆连续3晚被鬼跟返屋企，搞到她含泪宣告退出比赛。今日凌晨，Denice就于社交网撰长文吐苦水，并晒出双腿满布瘀痕的照片，她留言：「退赛我真系十万个不愿意。我从来冇试过放弃任何一个工作机会。就算我嗰日肠胃炎，发烧，我都会顶硬上继续出job。虽然最后嗰晚我个样好似冇事，但其实嗰晚发生好多事。去到最尾5分钟拍摄，我竟然离唔开张凳（櫈），冇力，头晕，郁唔到，睇所有嘢都喺度震。净系好惊，觉得好（似）自己系（喺）死亡边缘。退赛之后到而家我都好后悔，好嬲自己，点解唔顶埋落去。因为清醒嘅我系一定唔会放弃工作。师傅话，啲朋友仔跟晒我返屋企，系想我帮佢哋。但我又谂，我帮咗佢哋，边个帮返我。我份工已经冇咗。唯有同自己讲，可能有某种科学解释唔到嘅力量警告我，退赛可能真系执返条命。喺呢度同大家讲声对唔住，我太弱，我顶唔到，好对唔住。」

至于另一参赛者汤沛宜（Toto）亦于节目中遇上灵异事件，她昨晚在IG贴出憔悴自拍及双手现红印照，Toto写道：「拍完#鬼同你上位 出事之后第日起身2只手红咗，样都变埋。好在植咗靓睫毛总算仲有个样，#有头发边个想做癞痢 #鬼叫你穷呀顶硬上 而加睇番啲相都想喊」