新剧拍到虚脱都Keep住笑　唐诗咏：我真系拍得几开心

有乜开心得过同一班老友嘻嘻哈哈一齐开工？由唐诗咏、陈展鹏、陈山聪、林子善及刘颖镟等主演、文伟鸿监制的新剧《超能使者》自5月开拍以来，众演员不时于社交网晒开心合照，子善表示整个团队都好团结，山聪亦坦言好享受今次拍摄过程。唐诗咏昨日也于社交网贴出花絮照，并留言：「发型姐姐问我：『你拍呢套剧系咪拍得好开心？见你日日返工个样都系笑嘅，唔系真系大笑，系内心发出来嗰种喎』谂一谂，成日系三十几度高温下拍摄，晒到变咗旧碳，拍到个人虚脱咁滞，然后返到厂拍，又冻到好似系雪地咁，又暖包又羽绒，但每日都系好想返工，我谂，我真系拍得几开心 #超能使者 #呢班兄弟姊妹好正 #NT」不过拍摄即将来到尾声，相信一班台前幕后都好唔舍得。