【有声Post】老公53岁牛一大晒 蒙嘉慧甘愿被郑伊健叫肥婆

郑伊健同蒙嘉慧结婚7年，两人有别一般娱圈夫妇，唔兴将私生活放上网，郑太有社交平台但唔会成日Update，郑生个社交平台全部同工作有关，你想知佢今晚食乜餸或去咗边度玩，咪使旨意。

今日郑太贴咗碗牛腩鱼蛋米嘅相到ig，佢post食物相唔特别，因为近年佢嘅post都同食有关，不过，再望真啲，帖文原来有玄机，原来蒙嘉慧同老公去咗筲箕湾食驰名牛腩鱼蛋米当早餐，食食吓好想食埋鲜油奶多，所以就问老公嘞，「老公，如果我第时变咗做肥婆呢⋯⋯」点知未讲完郑伊健已抢答：「唔系第时，已经系。」对被耻笑系肥婆，郑太冇嬲，仲赞老公叻，因为，「一年入面你系有一日可以咁讲嘢，Happy Birthday。」

成个Post都有声，好搞笑。