【Headline Girls】「贾名媛」邱芷微 真淑女
2020-10-12 17:30 
处境剧《爱．回家之开心速递》中，同「大小姐」林淑敏系死敌，又主动出击勾引张景淳，挑战吕慧仪同张景淳「龚水恋」嘅「贾名媛」邱芷微（Chelffy），角色虽然贪慕虚荣，唔多讨好，但就成功入屋，都几抢fo㗎。
毕业于英国布莱顿大学视觉艺术表演系嘅Chelffy，07年放假返港期间，因为参加由大名娱乐举办嘅《第一届大名星歌唱大赛》夺得季军入行，约满后辗转入咗TVB拍剧，由特约演员做起：「因为唔系TVB合约艺员，拍到《爱．回家》真系讲都冇人信，当日业馀形式做特约演员，剧组PA讲得好隐晦，话有个角色想搵我做，系搵我影露肩、露腿道具相，但有得着祼色打底衫，而且有公仔喺前面遮住。当时心谂，电视尺度有限，最多咪出嗰两秒…原来系演一个连戏角色，谂唔到冇刻意争取，机会会送到埋身。」采访：方骞平 摄影：张咏森
關鍵字
最新回应