【不满被飞】借网民留言寸爆公司陈伟琪：冇雷珍妮宁愿唔睇

2020-08-15 11:15

「细龙太」陈伟琪（Vicky）早前涉醉驾后，再被拍下跟外籍男喺夜店亲热、吸烟兼饮酒，被指形象唔好，而被飞出《爱．回家之开心速递》剧组，剧情交待「细龙太」因愧对龙家和老公而出走，打后暂未有开工通告。

被雪嘅Vicky连日来喺社交网贴文狂呻，语带相关留言：「会有一些人永远不会了解你。你的工作不是为他们。」、「你很漂亮，被误解了，为甚么你要像邻居一样？」、「唔通我喜欢写作又话你知咩？」、「未知是自我开解，还是认为不用向别人解画。」...噚日Vicky再发功，喺IG限时动态先贴了一张天朗气清，海天一色嘅风景相，然后再上载网民留言截图表达不满：「冇雷珍妮我宁愿唔睇─TVB爱回家等摺埋喇！」该网民还表示：「我就锺意废柴老公两公婆。」虽然Vicky冇留评语，但佢嘅心声，大家明晒啦！