【孤独「入五」】离婚后林晓峰首个生日康子妮冷漠零回应

2020-09-29 10:30

林晓峰（阿Lo）与康子妮本月惊爆离婚，结束18年婚姻，两人协议共同抚养一对儿子林宝及林熙，之前两个儿子生日，作为父母都有合体现身庆祝，齐齐做返好爸爸同好妈妈角色。

原来林晓峰和两子，以及康子妮都系九月寿星，康子妮更加同阿Lo前后脚生日，康子妮系9月27日牛一，9月28日到阿Lo，认真有缘！适逢今年系阿Lo「入五」嘅日子，亦系离婚后首个回复单身嘅生日，感触应该好大，还幸有工开，阿Lo暂时离开伤心地，寄情工作，趁机重新出发，唔使留喺屋企触景伤情。

目前喺酒店接受14日隔离嘅阿Lo，昨晚喺社交网发图文，寿星佬嘟嘴兼整斗鸡眼，走出香港的他就算留喺酒店，也能抛开烦恼，变得特别精灵，鬼咁风骚嘅阿Lo喺芝士饼及礼物篮前影相，留言：「隔离第四日，平静的生日，多谢酒店送给我的惊喜。」唔少网民送上生日祝福，还轻带一句加油！不过，发文过晒零晨，离婚前妻康子妮就相当冷漠，冇畀任何反应。而阿Lo生日前一日，康子妮超低调渡过44岁生辰，没有post任何相文。