【独家】疫情拖累 接拍电影电视剧无奈叫停 陈绮雯期待首部女一作上映

香港艺人受疫情影响，不少工作被迫停顿，已拍摄作品亦上映无期，最近参与ViuTV灵探比赛真人骚《鬼同你上位》的陈绮雯（Aki），同样遇到这惨况，首度担任女主角的港产片《食人狂魔》，早在年初已完成拍摄，本计划4、5月时上映，她更为电影主题曲填词兼主唱，可惜电影迟迟未可同观众见面，令她相当无奈，就连已接拍的电影和电视剧亦一再延期开拍，幸好这时有机会参与《鬼》节目，她只望疫情可以尽快过去，能够有好日子。撰文：杜淑霞 摄影：谢民光 发型：Larry Ho @ IL COLPO 场地：The Stadium

由亚视、港视再到电影圈，Aki一直等待发挥机会，今次终于能在悬疑电影《食人狂魔》首次担正，她坦言学到好多嘢，「今次角色系比较乖巧嘅人妻角色，电影上系第一次！今次有好多嘢学，都想自己做好啲，唔好令导演监制失望。」由于疫情令电影上映日期仍未有定案，Aki都觉得好无奈，「呢个档期上都会好蚀，在于投资者方面都系会推迟啲先上。」


Aki对《食人狂魔》份外上心，只因今次电影她尝试了多个第一次，「期待第一套作品出街，同埋我都有为套作品唱埋电影主题曲，仲系我自己填词，第一次填广东词，以前有试过填词嘅，希望捱过呢个时期会好啦！」除了主演电影受疫情影响，Aki其他工作亦被迫煞停，「之后都接咗套电影，仲去欧洲拍，又有套电视剧，但系𠵱家都未开得住，一嚟欧洲未去得住，二来电视剧都排紧期，所以都等紧，同埋上两年我其实主要返国内出席商演同拍广告嗰啲，但系𠵱家都返唔到内地，所以停晒收入咁滞。」

担心试冥婚嫁唔出

大部份工作停顿，这个时候Aki刚巧有机会参与《鬼同你上位》，本身未遇过灵异事的她，抱住不防一试心态参加，但发现并非想像中好玩，「无论系灵探节目，定系真人骚都系第一次参与。我觉得自己唔系好合适，可能有时太直啦！我唔知我会唔会讲嘢得罪咗人，因为后期发生咗啲唔开心嘅事，我都因为呢件事喊咗成个星期，好唔开心。」Aki所指是节目第6集中有关冥婚环节，令到她跟另一个参加者有误会，对方以为她玩输游戏不认帐而当面闹她不专业，「佢之后有同我say sorry，佢话唔知我哋有开过会讨论过，佢系中途加入，但系当下佢咁样讲我系好委屈罗！」




Aki抗拒冥婚，只因担心影响自己婚姻大事，「听过冥婚，个人嘅运气一生人得一次婚姻嘅话，冥婚都系计㗎嘛！咁我嫁唔出点算，嗰吓我唔识表达，我净系喊罗！」对于婚姻有憧憬的Aki，以往定下结婚年龄为30岁，35岁就生BB，但她已踏入30岁，所以不排除闪婚，「真系遇到一个锺意嘅人，了解过后，闪婚都冇所谓，可能唔使拍一年拖就结婚，因为已经好了解，𠵱家啲男仔，追你一个月追唔到就搵第二个，我觉得你都唔系好锺意我啫！你好锺意我系追唔到都要追到为止，我都会考验对方要真心锺意我，愿意投资时间喺我身上先得。」