拍MV同男主角跳贴身舞　泳儿自爆男友监场

泳儿（Vincy）刚推出今年第一首派台作品《沟渠畅泳》。去年年初，Vincy找来合作多年的词人周耀辉为整年的歌曲担任概念指导，辉哥与Vincy决定以「花」作为主线，透视她心中的种种遐想。



Vincy表示歌曲创作灵感来自英国诗人OscarWilde的名言：「We are all in the gutter, but some of us are looking at the stars.」她认为这是一句很大鼓励性的说话，「我哋生活里面成日都会遇到一啲解决唔到嘅问题，或者一啲挫折，感觉就好似跌入咗沟渠，但无论遇到乜嘢困难都好，有啲人系永远都抱住一个奋斗嘅精神、好正面嘅态度，就算跌入沟渠，佢都可以望到天上面嘅星星，永远有希望。」Vincy透露一收到歌词自己在家中练歌时一度爆喊，「非常之有血有肉，虽然佢嘅描述得非常之抽象，但有好多句子我觉得系直插入我心里面。」至于作曲方面则找来第二次合作的冯颖琪，去年她为Vincy写了《花心》，今年再挑战难度，Vincy说：「我问佢点解会写《沟》俾我？佢话因为觉得写完《花心》俾我之后我可以再挑战一首难度更高嘅歌曲。」



MV中，Vincy饰演男主角心中的阴暗面，要令男主角驯服于她，导演Matthew要求二人以舞蹈表现出来，因此MV中二人有不少亲密接触，Vincy笑说：「导演话要同佢跳舞，其实前几日我睇到reference嘅时候，我以为系一只好优雅、好似跳华尔兹呢啲舞，点知一埋位原来系要贴身咁跳。因为MV入面我系要控制佢，而佢系一个冇灵魂嘅人挞咗喺我身上。初初都有啲尴尬，头几shot系有啲崩紧，慢慢就进入咗状态。」问到Vincy跟男主角跳贴身舞是否要得到男友批准？Vincy说男友有「监场」：「佢都喺现场……帮我整头，哈哈！」