【独家】陈恩硕筹办网上抗疫音乐会 郑丹瑞陈洁灵出力相助

郑丹瑞（旦哥）和陈洁灵（MissChanChan）将于9月27日演出陈恩硕（Tom）导演的《我们的青春日志》网上抗疫音乐会。陈恩硕坦承因音乐剧《我们的青春日志》受疫情影响，上演57场后被迫煞停，眼见合作班底苦况，决定搞网上音乐会帮助该剧班底及其他剧场自由身工作者纾困。旦哥和MissChanChan有感有意义而出力相助，而他们坦承因疫情而被迫转型及趁机为身心叉电。撰文：杜淑霞 摄影：谭壹致 场地：爆炸戏棚

阿Tom解释今次音乐会不算慈善骚，只望为同业纾困，「今次冇伙拍慈善基金去做，因慈善基金会少不免有啲行政费，我哋唔想大大只字写住慈善咁伟大，当我哋做一个自己嘅Concert啫，只不过攞啲收益嚟帮到几多人就几多人，但到时未必帮到，因唔知收益有几多，所以我哋冇用慈善呢啲字眼。」

音乐会将由音乐剧《我们的青春日志》当中抽出13首歌来演绎，旦哥负责打头阵，而MissChanChan就压轴演出。由于旦哥是该音乐剧顾问，但MissChanChan本身没有参与该音乐剧也答应演出，阿Tom和旦哥就踢爆搵对方演出内情，「上年首演时有邀请过MissChanChan做校长个角色，但当时佢有工作撞咗期（旦哥：所以唔系𠵱家先谂，系一早谂咗搵佢）。」MissChanChan就坦言觉得音乐会有意义而帮手，「因为旧年佢哋搵过我，但个期配合唔到，所以旦哥打畀我嘅时候，我知呢件事，对首音乐又有啲印象，我觉得好有意思就答应。」



疫情下，旦哥和MissChanChan工作大受影响，旦哥说：「但系我个人唔停得，所以转型喺网上做节目。」MissChanChan亦说：「真系停工，回复返年少轻狂嘅时候，有去玩又有进修，工作就系准备中。不过，呢个时间大家唔想遇到，但亦都系一个好好嘅时机，畀大家停落嚟检视吓自己，咁多年嚟为工作，冇乜时间同屋企人一齐，或者自己进修，呢个系一个身心叉电嘅时间。」