星岛日报

【Juicy叮】首到同学公屋家 住私楼网民惊觉:原来差咁远

2020-09-24 16:56
近年不少公屋的环境已经相当宜人。资料图片
近年不少公屋的环境已经相当宜人。资料图片

香港一向置业艰难,寻得一个安乐窝是不少人的理想,近日便有网民讨论到底公屋与私楼有多大的分别。

「连登讨论区」有网民发文,指自己小时候住在私楼,不知道公屋的环境,「细细个住私楼,夏天去楼下泳池游水,得闲去会所做下暑期作业,以为个个人屋企楼下都有泳池」,又指住公屋的朋友都羡慕他,「佢地话上你屋企玩下啦,跟住佢哋入完楼下花园个铁闸后就哇哇哇,见到个大堂又哇哇哇,入到屋之后就话你屋企好大好靓呀,我同佢讲:平时我训下面个层,佢话:你仲有一层呀,个阵我都无为意,觉得佢地好客气」,网民并指从小住在私楼的自己从未到访公屋,直到上同学家才发现公屋的空间比起私楼差得多,「之后去左个公屋朋友屋企叫佢教我入歌落mp3度,个阵先知道原来公楼私楼差咁远」。

近年不少公屋的环境已经相当宜人。资料图片
近年不少公屋的环境已经相当宜人。资料图片

帖文引起其他网民热议,有网民留言表示拥有相同的经历,「一出世住二三千尺唐楼,细个以为系屋企踏单车系好正常,成日叫啲同学仔上嚟踏单车。」,亦有网民同意公屋的居住环境十分恶劣,「细个个时去阿婆屋企食饭,佢住公屋,成日都觉得条邨好污糟,就唔想去,从此觉得自己屋企都唔系太差。」、「中学先去留意边个系住公屋,印象中就系走廊又长又阴沉,厕所好多核突渠管。」

但亦有其他网民表示,公屋也有好处,「公屋大,细系细啲但真系会同屋企人亲密啲」,有网民便指无需介怀自己居住环境,「中学就好多同学都系有钱仔,住豪宅,个内心都只系「哗咁大好舒服」,但都系觉得咪又系咁,完全唔会觉得自卑/睇唔起人住公屋。」。另外有网民指其实现时新式公屋的环境已经改善了很多,「觉得公屋唔系楼上讲得咁恐怖,呢10年啲公屋环境好过旧私楼好多,至少厕所乾湿分明又够光猛,而且烂马桶、水龙喉都唔使揞荷包去整,我都想整番层嚟住」。

网民称小时候居住私人楼宇未去过公屋。资料图片
网民称小时候居住私人楼宇未去过公屋。资料图片

网民称小时候居住私人楼宇未去过公屋。资料图片
网民称小时候居住私人楼宇未去过公屋。资料图片

最新回应

關鍵字

相關新聞

热门文章