【独家】半年零收入转做直播带货员 黄榕睇中吴婉芳细仔高富帅

喺疫情下，32C黄榕手停口停零收入，呢半年只靠仅有嘅积蓄悭住使过活，为逆境求生，最近她上网红培训班恶补，打算转战做直播带货员，目标挑战湖南卫视的《我是带货王》比赛。她笑说：「𠵱家喺直播中先扮鬼脸、做一字马吸客，唔排除将来会有杀手鐧，最后一招出动体味内衣裤。」采访：方骞平 摄影：张咏森

之前健身室关闭，黄榕连教健身嘅收入都冇埋，唔知几时先返到内地登台，积蓄买少见少，唯有试吓新嘢：「喺屋企做直播节目都好，听人讲可以赚到好多钱，甚至买车买楼，呢个系我目标，如果赢到港澳区赛事，成功入围挑战湖南卫视嘅《我是带货王》，头3名仲有超过十万『人仔』奖金。不过，对手好强，圈中人有路芙、蕊蕊同汉洋等参赛。」问她如何突围？黄榕大笑说：「我冇偶像包袱，多才多艺可以搞吓笑，最耍家系做鬼脸扮丑样，做拱桥都可以，之前内衣外穿出售美容产品，仲即席教人做运动，拉一字马等，反而冇乜show身材，虽然系带货王初哥，但都有好多Fans同我倾偈互动，气氛唔错。」

唔锺意被照顾
8年前，黄榕宣传写真集时曾将着过嘅泳衣送畀男粉丝，原来多年嚟，一直都有宅男向她求售原味内衣裤、丝袜等：「我唔知自己嘅贴身物件原来咁值钱喎，做宣传就ok啫，未去到呢个赚钱地步，除非他日使晒手上积蓄，又急需用钱医病，或者为咗今次能入到围，考虑吓送出！」她坚持就算几穷都唔接受被照顾：「我锺意靠自己，搵男朋友要有共同兴趣，都系热爱做运动。而且我独爱爆肌男人，好似BB咁瞓喺佢胸肌好舒服，以往拍拖初期，我唔瞓枕头，晚晚枕住佢心口，好有安全感，搵男朋友好似吴婉芳细仔胡智同（Lynus）咁『高富帅』就最好。」