星島日報

【獨家】半年零收入轉做直播帶貨員 黃榕睇中吳婉芳細仔高富帥

2020-09-14 00:57
玩開健身嘅黃榕,Keep住32C、23、33三圍。
玩開健身嘅黃榕,Keep住32C、23、33三圍。

喺疫情下,32C黃榕手停口停零收入,呢半年只靠僅有嘅積蓄慳住使過活,為逆境求生,最近她上網紅培訓班惡補,打算轉戰做直播帶貨員,目標挑戰湖南衛視的《我是帶貨王》比賽。她笑說:「𠵱家喺直播中先扮鬼臉、做一字馬吸客,唔排除將來會有殺手鐧,最後一招出動體味內衣褲。」採訪:方騫平 攝影:張詠森

玩開健身嘅黃榕,Keep住32C、23、33三圍。
玩開健身嘅黃榕,Keep住32C、23、33三圍。
黃榕大呻三年冇拍拖。
黃榕大呻三年冇拍拖。

之前健身室關閉,黃榕連教健身嘅收入都冇埋,唔知幾時先返到內地登台,積蓄買少見少,唯有試吓新嘢:「喺屋企做直播節目都好,聽人講可以賺到好多錢,甚至買車買樓,呢個係我目標,如果贏到港澳區賽事,成功入圍挑戰湖南衛視嘅《我是帶貨王》,頭3名仲有超過十萬『人仔』獎金。不過,對手好強,圈中人有路芙、蕊蕊同漢洋等參賽。」問她如何突圍?黃榕大笑說:「我冇偶像包袱,多才多藝可以搞吓笑,最耍家係做鬼臉扮醜樣,做拱橋都可以,之前內衣外穿出售美容產品,仲即席教人做運動,拉一字馬等,反而冇乜show身材,雖然係帶貨王初哥,但都有好多Fans同我傾偈互動,氣氛唔錯。」

黃榕話自己多才多藝,最叻做一字馬。
黃榕話自己多才多藝,最叻做一字馬。
做拱橋亦冇問題。
做拱橋亦冇問題。

唔鍾意被照顧
8年前,黃榕宣傳寫真集時曾將着過嘅泳衣送畀男粉絲,原來多年嚟,一直都有宅男向她求售原味內衣褲、絲襪等:「我唔知自己嘅貼身物件原來咁值錢喎,做宣傳就ok啫,未去到呢個賺錢地步,除非他日使晒手上積蓄,又急需用錢醫病,或者為咗今次能入到圍,考慮吓送出!」她堅持就算幾窮都唔接受被照顧:「我鍾意靠自己,搵男朋友要有共同興趣,都係熱愛做運動。而且我獨愛爆肌男人,好似BB咁瞓喺佢胸肌好舒服,以往拍拖初期,我唔瞓枕頭,晚晚枕住佢心口,好有安全感,搵男朋友好似吳婉芳細仔胡智同(Lynus)咁『高富帥』就最好。」

黃榕喺直播度做帶貨王,嘟晒嘴吸客。
黃榕喺直播度做帶貨王,嘟晒嘴吸客。
當年黃榕宣傳寫真集時,曾將着過嘅泳衣送畀男粉絲。
當年黃榕宣傳寫真集時,曾將着過嘅泳衣送畀男粉絲。
吳婉芳細仔胡智同(Lynus)大大隻,黃榕最鍾意。
吳婉芳細仔胡智同(Lynus)大大隻,黃榕最鍾意。
黃榕望做帶貨王搵到錢買車買樓。
黃榕望做帶貨王搵到錢買車買樓。
黃榕嘅原味內衣褲一直受宅男網民追捧!
黃榕嘅原味內衣褲一直受宅男網民追捧!

最新回應

關鍵字

相關新聞

熱門文章