同老婆撑枱脚晚餐劲丰富　　黄智贤畀网友笑煮得太多

黄智贤（Ben）向来厨艺了得，疫情期间佢更喺社交平台以「快乐厨房」做主题，分享下厨乐趣同烹饪心得，吸引咗唔少粉丝支持，之前仲搵埋好兄弟郑嘉颖嘅老婆陈凯琳一齐整甜品。呢日Ben又出动，为同太太嘅晚餐落足心机，睇片见到呢晚真系相当丰富，佢留言话：「两口子晚餐！#当造#无花果#宫崎牛#带子#三文鱼#星期五晚餐#黄智贤快乐厨房」由于份晚餐实在太大碟，搞到网友除了劲羡慕黄太，猛话「做你太太、真系幸福」、「你快乐厨房，黄太更加快乐~」、「哇！米之莲水准啊！你老婆真幸福」外，仲转移到佢哋「两口子」食唔食得晒，「两口子？真的能吃完吗？」、「10口子都食得落啦！」、「好正！煮太多了。我过来吃吧！」。