轮廓分明由细靓到大  港姐谢嘉怡遗传妈咪嫲嫲优良基因

应届双料混血儿港姐谢嘉怡（Lisa）有个54岁冻龄型男爸爸Peter，日前两父女同上肥妈的网上直播节目时，Peter自爆喺英国发展多年，在当地做厨师。

 

昨日Lisa在社交网上载了两张与嫲嫲的合照，其中一张Lisa童年照，留有冬菇头嘅Lisa衬一双大眼睛，五官相当精致。网民大赞她细细个，已经好可爱。她留言表示：「香港对我嚟讲总系好似一个遥远嘅家，因为有我嘅嫲嫲。每年我嚟探佢时，我哋都会去饮茶，佢会叫晒所有我锺意嘅嘢，佢会讲佢嘅经历我听，仲会展示我睇一啲，我从未见过嘅地方。佢一直好支持我，畀贴士我点样去成为一个坚强、独立嘅女人。我好幸运能得到佢多年嚟嘅指导。」

 

另外，今日凌晨，她再上载一张和妈咪合照及中童时同父母嘅一家三口家庭相，相中Lisa天生一副明星相，相当清秀可人，文中她祝妈咪生日快乐，写道：「生日快乐，妈妈！感谢你多年嚟一直喺我身边，支持我去冒险！好荣幸你能够成为我嘅导师、我嘅榜样、同埋我最好嘅朋友。今年你生日，我哋第一年分开度过，但我保证，我哋会好好咁同你补祝。」网民大赞母女二人似两姊妹，一样咁pretty；又话原来她似妈妈，同样有靓靓基因。