张继聪叫「俾条生路行吓」　蔡卓妍操刀帮关智斌影靓仔相

年尾踏入4字头的关智斌 （Kenny）近日好多搞作，除了推出《寻蝶恋花》写真集外，月初新歌《乾爹》MV亦都终于曝光，操到劲Fit的他梗要喺新作晒吓肌肉啦！Kenny都好大方，频频于社交网开心Share爆肌相，昨日他又于IG贴出新照「喂」粉丝，并写道：「乾爹终于舍得剃须。」虽然今次就着番件衫仔，就咁挨喺墙度摆吓Pose、Chok吓样咁，但单靠「青靓白净Look」已成功引来大批网友赞型仔，连周柏豪、张继聪都忍唔住留言：「好靓仔，点解唔俾条路我哋行吓？」

然而好友蔡卓妍（阿Sa）都有留言：「啲相咁熟面口嘅？系咪一个靓女帮你影㗎？？」明显辑相系阿Sa自己操刀，谂住对方会落番Credit啦，点知Kenny劲唔识做覆她：「靓女到你唔信 #人间尤物」结果转个头阿Sa自己喺IG出Po，并上载3张她为Kenny拍摄的花絮相，阿Sa写道：「上联：帮关斌影相 下联：点影都靓」Kenny睇见即刻样衰衰补飞：「Hahahaha,唔记得介绍返个摄影师添 #正菜妍 btw, 下联系：一定唔会leung（指老土）」但有网友就批评他句对联唔够押韵。