【呖咕发脾气】向网友求救 蔡卓妍系唔合格猫奴

同男友石恒聪拍咗三年拖，因为男友系猫奴，所以感染到狗奴蔡卓妍养猫，年头就接咗只猫B「呖咕」返归，养咗七个月，「呖咕」完全攻占阿Sa嘅心，由叫「呖咕」变成「我老细」。

今日，阿Sa屋企有朋友及朋友嘅布偶猫棉花糖到访，新任猫奴谂住正呀，可以介绍新猫朋友畀「呖咕」识，点知，「完全搞唔掂，呖咕又惊又嬲，从来未见过佢有脾气㗎嘛，反而棉花糖就成日都好想同呖咕玩。」猫猫好有山头主义，有外来猫闯入地头当然唔锺意，发脾气是常识，你想自己只猫识新朋友，但你只猫想唔想呢?

猫奴知识好贫乏嘅阿Sa唯有上网问点解，「有冇方法㗎呢？」