【独家】唔靠富老窦 IG贴性感相谷网店生意　港姐王卓淇收淫相兼被问价

2014年港姐亚军王卓淇（Erin）经常于社交网晒42长腿及蚂蚁腰，成功获网民封为新一代「性感女神」。家有经营护肤品生意的富爸爸，自小衣食无忧的Erin近年转战商界，开网店卖护肤及减肥产品，自家品牌ENBO亦于6月面世，自己做埋「生招牌」是常识吧！有传她志不在拍剧，一心只想成为网红，Erin却否认：「我锺意做生意，但呢个系副业，我更喜欢演艺工作。」不过频频Po性感照，难免惹「衰格网友」传来淫照和问价，我行我素的Erin就懒得理：「呢个年代只要唔伤害人、唔犯法，女仔锺意点活就点活，好自由！」撰文：黎宝伦　摄影：李维隆　服装：decembereight　场地：The Grill Room　鸣谢：Barry@巧松啲

出身富裕家庭的王卓淇，早年获父亲买车买楼留港发展演艺事业，仲传开工有几个跟班服侍，令外界觉得她「赚钱买花戴」，不过Erin绝不认同：「唔系罗，都要自己努力，特别喺娱乐圈，就算你好有钱都唔代表人哋会锺意你、你就会有好多机会，因为观众缘系买唔到，一定要有实力，人哋先慢慢睇到你。」

冇打算靠父荫
因此，早前于无綫剧《那些我爱过的人》中，她不惜化毁容妆演癌症患者，终于成功获网民大赞演技进步，Erin盼有机会扮演精神分裂角色，希望观众能看到自己多面的演出。至于亲热戏，她笑说：「真系未拍过牀戏喎，我应该会怕丑，随缘啦，但有都会专业做，咁多人望住都唔会好享受。（唔介意性感演出？）角色需要都会嘅。」讲到入行6年来收入不多，如今搞网店，又会否担心被指靠父荫？Erin笑谓：「如果靠父荫就直接攞屋企产品嚟卖啦，我锺意做自己嘢。」

性感照引问价
凡事亲力亲为的Erin亦密密Po晒腰及长腿照，植入式Sell自家Tee及瘦身产品等，问性感照有否引来口痕友骚扰？她不讳言：「梗有啦！隔一、两个月就收一次淫亵相。（男士性器官？）应该系，但IG会自动朦咗张相，我对眼冇受威胁，所以冇觉得唔舒服，又可能其实手指嚟，哈哈！」对于圈中时有听闻女星被「问价」，Erin也坦言曾有人Inbox她，出价20至100万都有，她笑说：「我觉得佢哋吹水，所以唔会理，相信呢啲钱我自己都赚到，同埋我都接受唔到，宁愿辛苦啲自己努力。（避免Po性感照？）唔得！我卖减肥产品㗎嘛，冇好身材点去说服我啲客呢。」