【幸福一家】郭可颂生日熊黛林派孖女献吻冧爆寿星爸

2020-08-12 11:30

有时幸福唔止系自己感受，仲要晒吓嘅！呢方面喺天王郭富城同方媛系最佳演绎，好似日前城嫂33岁生日，除咗唔少得晒一家四口温馨合照外，两公婆仲合体，用身体语言砌个心形，晒命式要公告畀全世界人知道「百毒不侵」，不管方媛有冇靠「天王嫂训练营」嚟打造高质美女，两公婆依然咁恩爱，系Sweet呀！

讲到呢度，好喇！到城城旧爱熊黛林（Lynn）出场，噚日系佢拥有百亿资产老公郭可颂嘅生日，喺疫情下，一家人只能喺屋企切吓蛋糕、食个住家饭简单庆生。少奶奶Lynn亦晒出一家四口嘅温馨相，另外，两个宝贝女Kaylor和Lyvia仲吻贺爸爸，郭可颂左拥右抱孖女，慈父样出晒嚟，至于两公婆嘅甜蜜合照就欠奉，但大家都收到佢哋嘅喜悦，纷纷留言系幸福一家、羡慕的一家、永远幸福快乐。相中素颜郭师奶仍然清秀，被赞系女神。