【两公婆互闪】秦舒培30岁生日 陈冠希为「老婆」影相庆祝

寻日系陈冠希女友，内地名模秦舒培30岁生日。女皇牛一咁大件事，Edison当然要隆重其事，佢订咗蛋糕又买到成屋都系花，又焗咗盘肉酱加碟炒荷兰豆作为Birthday Dinner。留心睇，个蛋糕上写咗段咁嘅字，「Happy Birthday To The Best Mommy & Wife Shupei」，陈生之前讲过「结婚只系一张纸，同秦舒培及女儿过得很开心。」咁最终两人有冇结婚就真系唔知嘞。

「陈太」好开心，因为可以揽住囡囡Alaia过生日，小妹妹仲唱咗生日歌畀妈妈听，第一次听Alaia把声，沙沙哋有啲熟识。寿星女话过咗一个简单嘅生日，陈冠希即补充，简单但优雅。其实寻日下昼，一家三口去咗玩水，陈冠希摄影瘾起，仲帮着住超性感泳衣嘅「老婆」影相，而秦舒培亦为瞓住水泡晒太阳，囡囡又责住陈冠希嘅一刻影低，留言:「My best 2 presents」，两公婆玩互闪喎。