靠自身免疫力对抗病毒　施匡翘隔离24日仲未走得

24岁女歌手施匡翘（Zaina）于上月18日确诊新冠肺炎，成为香港首位「中招」艺人！其经理人刘丽萍（Apple姐）、Apple姐男友麦德罗及宣传人员阿佳，虽然早前也染上新冠肺炎而入院，但经治疗后，众人于上月底陆续康复出院。无奈一路都冇乜病徵的Zaina，由医院转到鲤鱼门度假村隔离营，至今足足被困24日，仍未「重获自由」的她今日以短讯透露，「而家感觉都OK，其实由入院到而家都冇话好辛苦、好唔舒服，好似一个正常人咁，但好多人都关心我点解咁耐都冇消息，冇话可以离开隔离营，系因为隔离营同医院有少少分别，呢度每日都会验我嘅深喉唾液去睇病毒数量，佢哋要求两次都系Negative（阴性），医生先考虑其他因素俾唔俾你离开。到目前为止，我试过一次系Negative，唔系连续两次，所以仲未可以离开，但医生同我讲，我嘅病毒量都接近冇，系需要啲时间等佢更加稳定，咁就更安全。」

相比有接受药物治疗的患者，施匡翘隔离的时间较长，是因为她没有食任何西药或打针，她续道：「医生都建议我唔好咁做，因为我年纪比较轻，而且冇任何唔舒服，所以宁愿等我自己慢慢好番，对日后嘅健康更加理想，咁我都听医生意见及认同，纯粹隔离，观察吓血压、体温……医生话我系正常，因为好多年青人冇食药，靠自己免疫力康复，都起码要28日先好番。」除了进行深喉唾液测试外，施匡翘透露也可抽血，若验到有抗体便可离开，但谓：「由于鲤鱼门隔离营嘅抽血设备唔够，每日只拣选某啲人做，咁我就听日去做抽血程序，如果验唔到抗体，我就要验番深喉唾液。」

抱乐观心情面对的施匡翘深信好快就「放生」，又开心预告本周四（13日）便「复工」，将
于晚上9点为新城电台节目《猜情寻》做主持，但由于仍未可离开隔离营，故今集她会预先录音，「我喺隔离营已经录定音，同大家分享好多人想知嘅问题，咁我都交低咗俾主持人Tony，喺今个星期四播俾大家听，亦会分享我喺隔离期间成日听嘅歌，希望大家身体健康，我都会早日康复，健健康康咁恢复工作、同大家见面。」