经理人师姐齐中招 谢高晋接卫生署通知执定包袱等入营

现役篮球员兼歌手谢高晋因经理人刘丽萍（Apple姐）与师姐施匡翘（Zaina）及宣传人员前日（18日）同告确诊新冠肺炎，虽然谢高晋当日第一时间到东区医院测试，报告呈阴性，但作为紧密接触者，他接到卫生署通知需要入住隔离营进行检役。
谢高晋表示：「噚日卫生署打电话畀我，叫我嚟紧可能呢一两日预备定入去隔离营，依家基本上执好晒嘢，喺屋企度都自己接受紧家居隔离，等卫生署进一步发展。今日都收到消息Zaina同Apple姐身体状况都好咗好多，希望佢哋都快啲出院。」
谢高晋透续谓：「预备带咗健身嘅嘢同几套衫做吓运动，仲带多咗部琴入去，学吓琴增值吓自己，希望出到嚟之后都可以好健康咁再同大家见面。」

至于施匡翘在隔离病房再以语音更新进展，说：「到依家为止我嘅精神状况或身体都好良好，大家唔使太担心。医生帮我验咗血，同其他样本都系正常冇问题。至于深喉唾液样本，需要等听日再去检查，后日再有就知道多啲资料，到时我再update大家，希望大家注意身体，唔舒服嘅朋友快啲好番，大家一齐努力抗疫。」